لاتنشد العاشق عن الحب وشلون !!

لاتنشد العاشق عن الحب وأشلون
أنشده عن لحظة فراق الحبايب

الحب حلو إن صار بالقلب مخزون
وإليا أنكشف دارت عليك المصايب

تصبح حياتك مثل ليلي ومجنون
لاصار خلك عن حراويك غايب

وش لهفة العاشق ليا صار مفتون
في حب من شوفه على العين طايب

تلقاه دايم ضايق الصدر محزون
والمشكله لاصار بالحظ خايب

تشين حاله دون لا الناس يدرون
ويصير في جو الهواجيس نايب

وإليا لقى صاحبه تلقاه مشحون
يمكن يسوي في لقاه العجايب

معروف مابه شي يوصلك بالهون
والعسر عقبه لين لو منه شايب

لاتظلمون الحب ياللي تقولون
إن الهوى مافيه غير النشايب

الحب محلى لذته لو يحسون
بس الهوى مابين خايب وصايب

صحيح ودك بعضهم مايحبون
اوياجاهلين الحب يكفي طلايب