طبعا العنوان واضح انها بسبوسه بس بدون مبالغه الذ بسبوسه تصلح للتقديم وطلعت بعد محاولات كثيره وكل اللي ذاقوها ذبحوني على الطريه والحمدالله ضبطت معاهم
اهم شي التقيد بالمقادير والطرررريقه
كوب كريمة خفق او الكريمه الحمرا
علبة زبادي العاديه
علبة قيمر او قشطه نستله
كوب ونص سميد -مخلوط معاه ملعقة مسح بيكنج ونص م ص فانيلا
نص كوب جوز هند
3/4 كوب سكر
ربع كوب زيت
اخلطي المواد الجافه مع بعضها والسايله بروح عشان تنعم ثم اعجنيهم سوا
ادهني قوالب الكب الصغيره زبده او سمنه زيت لا :42:
صبي ملعقة وسط مملوءه في كل قالب ويكفي بالضبط قالبين كل قالب 24
ريحيها 10 دقايق تنخبز بالفرن ربع ساعه ومو مهم الوجه يتحمر حيل اهم شي ما تنحرق لانها تتقدم مقلوبه احلى وممكن تكون حفره بالنص بسيطه بس مو مهم بتنقلب
بس تطلع اسقيها كل قالب ملعقة وسط من القطر او الشيره وانسيها ربع ساعه وطلعيها بالراحه واتركيها شوي وصفيها وزينيها بالفستق المفروم
القطر او الشيره
كوب سكر
نص كوب ماي
شريحه قشر برتقال او ليمون
تطبخ على النار وبس تغلي خففي النار واتركيها 10 دق بس
وبس تسكرين عليها اضيفي لها ملعقة وسط سمنه او زبده وذرة فانيلا
وعوافي
12/8/2008, 5:20 pm